ՀԱՄԱՍ-ը նախատեսում է հանդիպել պաղեստինյան մյուս խմբավորումների հետ՝ քննարկելու արձագանքը՝ Գազայի վերաբերյալ ԱՄՆ նախագահ Դոնալդ Թրամփի առաջարկած 20 կետանոց խաղաղության ծրագրին, Ultra Palestine-ին ասել է «Իսլամական Ջիհադ» շարժման խոսնակ Մոհամմեդ ալ Հաջ Մուսան։
Նա նշել է, որ ծրագիրը «վերաբերում է ոչ միայն ՀԱՄԱՍ-ին, այլև ամբողջ պաղեստինյան ժողովրդին», ուստի, «բոլոր խմբավորումները պետք է մասնակցեն միասնական ազգային պատասխանի մշակմանը»։ Մուսան նաև նշել է, որ Պաղեստինի վարչակազմը գտնվում է քաղաքականապես բարդ իրավիճակում, հետևաբար, բոլոր խմբերի հետ պետք է քննարկի ծրագրի յուրաքանչյուր հոդվածը՝ համաձայնեցված դիրքորոշում մշակելու համար:
