ԱԳ նախարար Զոհրաբ Մնացականյանն ընդունել է ԱՄՆ Կոնգրեսի Ներկայացուցիչների պալատի և հայկական հարցերով հանձնախմբի անդամներ Ջեքի Կանչելյան-Սփիրին և Ջուդի Չուին:
Ողջունելով կոնգրեսականներին՝ նախարար Մնացականյանը գոհունակությամբ նշել է, որ Հայաստանը կարևորում է հայ-ամերիկյան երկխոսությունը տարբեր մակարդակներում՝ այդ համատեքստում բարձր գնահատելով կոնգրեսականների ջանքերը՝ ուղղված հայ-ամերիկյան գործընկերության ամրապնդմանը և բազմաթիվ հայանպաստ նախաձեռնությունների կյանքի կոչմանը:
Նախարար Մնացականյանը Ջեքի Կանչելյան-Սփիրին և Ջուդի Չուին ներկայացրել է Հայաստանի արտաքին քաղաքական առաջնահերթությունները, կառավարության՝ ժողովրդի կողմից տրված լայն մանդատի շրջանակներում նախաձեռնած բարեփոխումների գործընթացը:
Հանդիպմանն արծարծվել են միջազգային և տարածաշրջանային կարևորության մի շարք արդիական հարցեր:
