Ոչ միայն «Սուրբ Գրիգոր Լուսավորիչ» ԲԿ-ում, այլև մի քանի այլ բժշկական կենտրոններում առաջիկայում տնօրենի փոփոխություն է լինելու: Այդ մասին Կառավարության ճեպազրույցի ժամանակ ասաց ՀՀ առողջապահության նախարար Անահիտ Ավանեսյանը:
«Սա նորմալ ընթացք է, տնօրենների փոփոխությունը ևս մեր ընթացիկ գործունեության մի մասն է»,- ասաց նախարարը և հաստատեց այն տեղեկությունը, որ ԱԺ «Քաղաքացիական պայմանագիր» խմբակցության նախկին պատգամավոր Նարեկ Զեյնալյանի թեկնածությունը քննարկվում է «Սուրբ Գրիգոր Լուսավորիչ» ԲԿ-ի տնօրենի պաշտոնի համար:
Նախարարը տեղեկացրեց, որ մարզային ԲԿ-ներում ևս փոփոխություններ են սպասվում՝ հիշեցնելով, որ մարզային ԲԿ-ներն այս առումով անցումային փուլում են:
«6-7 տարի է՝ այս տնօրեններն աշխատել են, արդյունքներ ենք ունեցել: Հիմա մեկ այլ շրջափուլի ենք անցնում»,- պարզաբանեց Ավանեսյանը՝ ընդգծելով, որ դժգոհության հարց չկա:
