Նիկոլ Փաշինյանը հանդիպել է «Քարնեգի» հիմնադրամի փորձագետների հետ
Վարչապետի՝ Նյու Յորք այցի երկրորդ օրը մեկնարկել է «Քարնեգի» հիմնադրամի միջազգային հարաբերությունների գծով մի խումբ փորձագետների հետ հանդիպմամբ. Նիկոլ Փաշինյանն աշխատանքային նախաճաշ է ունեցել միջազգային առաջատար փորձագետների հետ, քննարկել քաղաքական գործընթացներին վերաբերող հարցեր։
Հայաստանի վարչապետը և փորձագետները մտքեր են փոխանակել աշխարհում ժողովրդավարության հետ կապված իրավիճակի, միջազգային և տարածաշրջանային զարգացումների, աշխարհաքաղաքական հարցերի շուրջ։ Փորձագետները ՀՀ Կառավարության ղեկավարին են ներկայացրել տարբեր ուղղություններով իրենց ուսումնասիրությունների և վերլուծությունների արդյունքները:
