Կառավարությունը հավանություն է տվել Իսրայելում ՀՀ դեսպանատուն բացելու նախագծին: Ըստ արտգործնախարար Զոհրաբ Մնացականյանի՝ «Իսրայելում ՀՀ դիվանագիտական ներկայացուցչություն հիմնելու անհրաժեշտությունը պայմանավորված է նաև այն հանգամանքով, որ մերձավորարևելյան տարածաշրջանում Իսրայելը կարևոր աշխարհաքաղաքական դերակատար է, որի վարած քաղաքականությունն ուղղակիորեն ազդում է այդ տարածաշրջանի վերաձևավորման և կայունության վրա»: Սրանից բացի, հավանության է արժանացել նաև Եթովպիայի դաշնային Ժողովրդավարական Հանրապետությունում ՀՀ դեսպանություն բացելու առաջարկը:
