Հայ իրավաբանները մասնագիտական օգնություն են տրամադրում Կալիֆոռնիայի հրդեհներից տուժածներին
Լոս Անջելեսի շրջանում հրշեջները դեռ շարունակում են հրդեհաշիջման աշխատանքները: Արդեն երկու շաբաթ է՝ չի հաջողվում մարել կրակի երկու խոշոր օջախ: Տեղի իշխանությունները զգուշացնում են՝ քամոտ և չոր եղանակը վերադառնում է Հարավային Կալիֆոռնիա՝ մեծացնելով նոր անտառային հրդեհների վտանգը: Կրակից տուժածների շրջանում կան նաև ամերիկահայեր: Համայնքային կառույցները համախմբվել են և փորձում են աջակցել նրանց՝ այդ թվում տրամադրելով անվճար իրավաբանական խորհրդատվություն:
