Կառավարությունը 482 միլիոն 302 հազար դրամ հատկացրեց Երևան-Երասխ-Գորիս-Մեղրի-Իրանի Իսլամական Հանրապետության սահման միջպետական նշանակության ավտոճանապարհի, Վանաձոր-Դիլիջան և Վահանավանք հատվածներում միջին նորոգման աշխատանքներ իրականացնելու համար:
«Դեռևս հունիս ամսին, առանց ֆինանսական միջոցներ նախատեսելու, հայտարարվել էին մրցույթներ, ընկերությունների հետ կնքվել են պայմանագրեր, անհրաժեշտություն է առաջացել նրանց վճարել»,- ասաց ՏԿԵ նախարար Գնել Սանոսյանը:
Գնել Սանոսյանը նշեց, որ տարվա ընթացքում 500 կմ ավտոճանապարհ կառուցելու հանձնառությունը պահպանվում է:
