Բուհերում հակահամաճարակային կանոնները պահպանվում են

Տարիներ առաջ արված կադրեր են: Այս տարի Հայաստանում բուհերը բացեցին դռները՝ պայմանով, որ ուսանողները պետք է դիմակով լինեն, ջերմաչափվեն:

Դիանա Գալոյան (ՀՊՏՀ ռեկտոր) - Վերահսկողությունը դրել ենք դասախոսների վրա, որ վերահսկեն ուսանողների՝ դիմակ կրելը:  

Արթուր Իսրայելյան (ԵՊՀ պրոռեկտոր) - Պահպանելու ենք ներկայացված բոլոր պահանջները, պայմանները: 

Բուհերը ամբողջովին չեն հրաժարվի հեռավար դասերից: Հայաստանի պետական տնտեսագիտական համալսարանում դասերը հիմնականում լինելու են լսարանային:

Դիանա Գալոյան - Սկսում ենք դասերը առկա ձևաչափով, բացառությամբ մագիստրոսական կրթական ծրագրերը, որտեղ մենք ուսանողներին հնարավորություն ենք տվել առկա կամ առցանց տարբերակով անցկացնելու հետ կապված:

Այստեղ ուսանողները կհաճախեն 3 հերթով: Դասաժամերը 80 րոպեի փոխարեն կլինեն 70: Մինչև կսկսվի մյուս հերթափոխը, կախտահանեն տարածքները: 

Երևանի պետական համալսարանում դասերը սկսել են նույն ձևով:

Արթուր Իսրայելյան - Ուսանողները, առաջին կուրսեցիներից բակալավրը կանցնի լսարանային պայմաններում:

Առանձին մագիստրոսական ծրագրերը, ֆակուլտետի գիտական խորհրդի որոշմամբ և պրոռեկտորի թույլտվությամբ, կարող են լինել առցանց:

2 բուհում էլ մագիստրոսական ծրագրերի դեպքում հեռավար կրթությունից գոհ են:

Դիանա Գալոյան - Բակալավրիական խմբերում հեռավար ուսուցման հետ կապված մենք խնդիրներ էինք ունենում: Մագիստրոսական ծրագրերը, երբ խմբերն են ավելի փոքր և ուսանողները՝ ավելի հասուն, առցանց ուսուցումը հաճախ ավելի բարձր արդյունք էր տալիս:

Ըստ համաճարակային իրավիճակի՝ հնարավոր է՝ փոխվի ուսումնառության ձևաչափը:

Հեղինակ՝ Անի Ավագյան