Հայաստանում է ՀԱՊԿ գլխավոր քարտուղարը: Արտգործնախարարի պարտականությունները կատարող Արմեն Գրիգորյանը և Անվտանգության խորհրդի գրասենյակի ղեկավար Հայկ Պետրոսյանը Ստանիսլավ Զասի հետ քննարկել են Սյունիքի և Գեղարքունիքի մարզեր ադրբեջանական ԶՈՒ ներթափանցման արդյունքում ստեղծված իրադրությունը:
Սերգեյ Լավրովը և Ջեյհուն Բայրամովը քննարկել են հայ-ադրբեջանական սահմանային իրավիճակը:
Հայաստանի՝ Հարավային ռազմական օկրուգին ենթակա ռուսական ռազմակայանում կանցկացվեն զորավարժություններ:
Արամ Առաջինը շնորհավորական ուղերձ է հղել Նիկոլ Փաշինյանին՝ ՀՀ վարչապետի պաշտոնում նշանակվելու կապակցությամբ:
Հնդկաստանում ջրհեղեղների պատճառով մահացել է 400 մարդ:
Թուրքիայի հրդեհների պատճառած վնասի չափը, նախնական տվյալով, ավելի քան 35 մլրդ դոլար է:
Օլիմպիական խաղերում Հայաստանը նվաճեց 4 մեդալ՝ երկու արծաթ, երկու բրոնզ:
Օրվա կորոնաթվերը. հաստատվել է կորոնավիրուսային հիվանդության 140 նոր դեպք: Առողջացել է 191, մահացել 3 մարդ:
