Բագրատաշեն գյուղի մշակույթի տան տարիների աղմուկը խախտվել է: Այս պահին շինարարական աղմուկ է: Նորոգում են արցախցիները: Նրանց զբաղվածության խնդիրը՝ Կառավարության սոցիալական ծրագրով:
Մարտունու շրջանի Թաղավարդ գյուղից Մերուժան Ստեփանյանն ընտանիքի հետ ապաստան է գտել Բագրատաշենում, ազգականի տանը, միակ աշխատող ձեռքն է:
Մերուժան Ստեփանյան, Արցախի Մարտունու շրջանի Թաղավարդ գյուղի նախկին բնակիչ - Երկրորդ ամիսն է, որ աշխատում եմ: Լավ է, որ գոնե այս գործը կա: Այսպիսի ծրագրերը շատ են օգնում:
Հադրութի շրջանի Տումի գյուղից Մելինեն հիմնական դպրոցի տնօրենն էր, հիմա Դեբեդավան գյուղում էլ երեխաների հետ է, միայն թե նախադպրոցական տարիքի: Աշխատանք է գտել գյուղի մանկապարտեզում և հետաքրքիր իրեր պատրաստելու նոր շնորհք բացահայտել:
Մելինե Ղազարյան, Հադրութի շրջանի Տումի գյուղի նախկին բնակիչ - Մտահղացումն այստեղ ծնվեց, չեմ արել երբևէ, երեխաների հետ աշխատելը մեծ հաճույք է պատճառում ինձ:
Պատերազմի ընթացքում և հետո Նոյեմբերյանի տարածքի 19 համայնքում ապաստանել է 287 արցախցի, նրանցից 129-ն այժմ էլ շարունակում է ապրել այստեղ: Նրանց ձեռք են մեկնել բարեգործական կազմակերպությունները և համայնքները:
Արայիկ Պարանյան, Այրում խոշորացված համայնքի ղեկավար - Տարբեր ծրագրեր են իրականացվել, զբաղվածության հարց է լուծվել, դիմել ենք մարզպետարան, որ հնարավորության դեպքում բնակարանաշինության հարց լուծվի, դրա կարիքը խիստ զգացվում է:
Տունն ու բնակավայրը կորցրած ընտանիքների կողքին 8 ամիս եղել է ամերիկահայ FCN
