Շողակաթ համայնքնում անցած օրվա երկրաշարժի հետցնցումները մարդիկ զգացել են նաև այսօր:
Արմենուհի Սարգսյան, Շողակաթ համայնքի բնակիչ - Մեկ ցնցում էլ զգացել ենք առավոտյան 6:00-ին, մեկն էլ երևի 10:00-ին, մեկ թեթև ցնցում էլ եղել է 12:00-ի կողմերը:
Անցած գիշեր վնասի չափը դեռ հայտնի չէր: Առավոտյան պարզ դարձավ, որ մասամբ փլուզվել են բնակելի տներ, գոմեր, ավտոտնակներ, պարիսպներ: Ըստ համայնքի ղեկավարի, Շողակաթում հին տները շատ են, երկաթբետոնե շինությունները՝ քիչ:
Սուլիկո Շուշանյան, Շողակաթ համայնքի ղեկավար - Հիմնականում՝ բոլոր տները հին տներ են, բոլորը վնասված են ինչ-որ չափով, մեկը մի քիչ շատ, մեկը՝ քիչ: Կան տներ, որ ընդհանրապես ենթակա չեն բնակության:
Արտակարգ իրավիճակների նախարարության տվյալով՝ երկրաշարժի էպիկենտրոնը գտնվել է Շողակաթ համայնքից 5 կիլոմետր դեպի հյուսիս արևելք, ուժգնությունը՝ 6-7 բալ:
Հրաչյա Պետրոսյան, ԱԻՆ սեյսմիկ պաշտպանության ծառայության տնօրենի գլխավոր խորհրդական - Երկրաշարժին հետևել է մոտ 60 սեյսմիկ ցնցում, և բոլորն էլ ավելի թույլ, քան առաջին ցնցումը:
Երկրաֆիզիկական և հիդրոերկրաքիմիական տվյալների վերլուծություններից մասնագետները եզրակացնում են, որ առաջիկա օրերին ևս կարող են դրսևորվել թույլ և միջին ուժի երկրաշարժեր:
Արա Սահակյան, ԱԻՆ ՃԿԱԿ օպերատիվ հերթափոխի պետ - Ելնելով առկա տվյալներից՝ ուժեղ սեյսմիկ ցնցումների հավանականությունը փոքր է:
Հանձնաժողովն ուսումնասիրում է վնասի չափը: Ում կառույցը որքանով է վնասվել՝ կհաշվեն, կներկայացնեն մարզպետարան:
Կոբախիձեն և Էրդողանը քննարկել են Վրաստանի և Թուրքիայի ռազմավարական գործընկերությունը
Դանիայի նորանշանակ դեսպանն իր հավատարմագրերի պատճենն է հանձնել ՀՀ ԱԳՄԱ նախարարի տեղակալին
Հայ-ֆրանսիական ևս մեկ հաջողված համագործակցություն. Ֆրանսիայում վերապատրաստված 12 բժիշկներ վերադարձել են Հայաստան
ՀՀ քաղաքացիությունը արժեք է, որը հավասարապես պետք է կիսեն թե՛ քաղաքացին, թե՛ պետությունը․ ՆԳ նախարար
Թուրքիան և ԱՄՆ-ը աջակցում են Հայաստանի և Ադրբեջանի միջև խաղաղության գործընթացին. Ֆիդան
Կարդացի-ավարտեցի Արմեն Գրիգորյանի «Քայլ արա, մերժի՛ր Սերժին» գիրքը. Փաշինյան