Ժամկետային զինծառայողների ծնողներն այսօր բողոքի ակցիա են իրականացրել պաշտպանության նախարարության շենքի դիմաց:
Նրանք հանդիպում են պահանջել գլխավոր շտաբի պետի կամ նախարարի հետ, սակայն նրանք երկուսն էլ գործուղման մեջ են:
Ծնողների խոսքով՝ Խծաբերդ համայնքի դեպքերից հետո անհանգստացած են իրենց երեխաների ճակատագրով, և ասում են, որ իրենց նախորդ հանդիպման ժամանակ հավաստիացրել են, որ զինծառայողների անվտանգությունը կերաշխավորվի:
Ծնողները սակայն պնդել են՝ վերջին դեպքերը վկայում են, որ անվտանգության ոչ մի երաշխիք չի պահպանվում: ՊՆ-ից ծնողների մի խմբի ընդունել են, ավարտին խոստացել, որ հանդիպման պահանջի մասին կհայտնեն գլխավոր շտաբի պետին:
