Ֆիրդուս թաղամասի պաշտպանության նախաձեռնող խմբի անդամներն այսօր ներկայացրել են, թե ինչու են դեմ կառուցապատմանը: 1915-ից հետո Երևանի այս թաղամասում վերաբնակեցված ընտանիքների համար Ֆիրդուս թաղամասի պաշտպանության նախաձեռնող խմբի անդամ Տիգրան Ամիրյանի խոսքով` սա նախ փրկության ու նոր հայրենիքի տարածություն է: Նա պնդում է՝ կառուցապատման հետ կապված կան մշակութային, ճարտարապետական, քաղաքաշինական խնդիրներ, նաև՝ իրավական խախտումներ:
«Թրանսփերենսի Ինթերնեյշնլ հակակոռուպցիոն կենտրոնը» իրավապահ մարմիններին է ներկայացրել հանցագործության մասին հաղորդում՝ պաշտոնատար անձանց կողմից գործարքների իրականացման մեխանիզմներում չարաշահումների թույլ տալու վերաբերյալ:
Ֆիրդուս թաղամասի պաշտպանության նախաձեռնող խմբի անդամների խոսքով՝ գլխավոր պահանջը կառուցապատման դադարեցումն է, նաև հարցը, թե ինչու է ծրագրում ընդգրկված նախկին կառուցապատող ընկերությունը: Բնակիչներից շատերը պնդում են՝ տարածքը գերակա շահ ճանաչվելուց հետո չեն կարողացել բարելավել բնակարանային պայմանները:
Շրջայցի ընթացքում հանդիպեցին նաև բնակիչներ, որոնք համաձայն են կառուցապատման գործընթացի հետ: Ֆիրդուս 80 հասցեի բնակիչները խոստովանեցին՝ հոգնել են, ցանկանում են բարելավել բնակության պայմանները:
Երևանի ժառանգության պաշտանության կոմիտեն կներկայացնի իրենց մշակած նախագծի մրցույթի փաթեթի անցկացման հայտարարություն: Ֆիրդուսի հարցով նամակ է ուղարկվել նաև պատգամավորներին ու ԱԺ հանձնաժողովներին:
Մանրամասները` տեսանյութում:
Ֆիրդուս թաղամասի պաշտպանության նախաձեռնող խումբը ներկայացրել է մի շարք խնդիրներ
Դիտումներ56
