Սահմանամերձ Բերդավանից Կարեն Ղազարյանի ադրբեջանական կողմից գերեվարման դեպքից հետո գյուղացիներն ավելի զգուշավոր ու անհանգիստ են դարձել: Տավուշի մարզպետ Հայկ Չոբանյանը նշում է` անցած տարի աշնանից սկսել են համայնքների դիմակայունության բարձրացման ծրագիրը:
«21-րդ դարում դա անել, առանց հաշվի առնելու նաև թվային տեխնոլոգիաների հնարավորությունները, չենք կարող և չի կարելի, և այսօր մենք արձանագրում ենք մի շարք թվային ենթակառուցվածքների ներդրում Բերդավանում»,- ասել է նա:
Տավուշի մարզպետի անվտանգության գծով խորհրդական Նիկոլայ Գրիգորյանի խոսքով` իրենք ուսումնասիրել են Իսրայելի, տարբեր եվրոպական երկրների փորձը և դիմակայուն համայնքի համար մշակել են պայմաններ` սկսած նրա պաշտպանունակությունից, վերջացրած տեխնիկական ապահովմամբ:
Նորագույն տեխնոլոգիաներն արդեն գյուղում են: «ՍՕՍ Սիստեմս» և «Ռոստելեկոմ Հայաստան» ընկերությունների աջակցությամբ` սահմանային ճանապարհներին տեղադրվել են խելացի տեսախցիկներ` շուրջօրյա տեսահսկողությամբ, համայնքը զինել անօդաչու սարքով, ազդարարման նոր համակարգով, ռադիոկապով, գերարագ ինտերենետային կապով, արդիական չափանիշներով կառուցվել է 3 կմ օպտիկամանրաթելային ներքին ցանց:
Մանրամասները` տեսանյութում:
Սահմանամերձ Բերդավանը դարձել է հանրապետությունում դիմակայուն թվային առաջին համայնքը
Դիտումներ59
