ՆԱՏՕ-ի գլխավոր քարտուղար Ենս Ստոլտենբերգը հույս է հայտնել, որ կարճ ժամանակում Թուրքիայի խորհրդարանը հավանություն կտա Ֆինլանդիայի և Շվեդիայի՝ Հյուսիսատլանտյան դաշինքին անդամակցելու հայտերին:
«Մենք տեսնում ենք, որ Ֆինլանդիան և Շվեդիան կատարել են Մադրիդում ստորագրված հուշագրի պայմանները։ Արդեն ժամանակն է, որ նրանք անդամակցեն դաշինքին: Հույս ունեմ, որ ամենակարճ ժամանակում Թուրքիան հավանություն կտա ՆԱՏՕ-ին նրանց անդամակցության հայտերին»,- Ստամբուլ կատարած եռօրյա այցն ամփոփելով՝ NTV հեռուստաալիքի հետ հարցազրույցում ասել է Ստոլտենբերգը:
Նրա խոսքով՝ ՆԱՏՕ-ին Շվեդիայի և Ֆինլանդիայի անդամակցությունից կշահեն ինչպես դաշինքը, այնպես էլ Թուրքիան:
