Երևանում մի շարք երթուղիների վարորդներ այսօր դուրս չեն եկել աշխատանքի, ինչի պատճառով հարյուրավոր քաղաքացիներ չեն կարողացել աշխատանքի հասնել:
Վարորդները պահանջել են վերանայել իրենց աշխատանքային պայմանները: Խոսքն առաջին հերթին աշխատավարձերի բարձրացման, ինչպես նաև մեքենաների և վարորդների ապահովագրության մասին է:
Երևանի քաղաքապետարանի տրանսպորտի վարչության պետի և բողոքի մասնակիցների մի քանի ժամ տևած բանակցություններից հետո վարորդները վերադարձել են աշխատանքի՝ նշելով, որ Երևանի քաղաքապետարանը խոսք է տվել բավարարել իրենց պահանջները:
Եթե դա տեղի չունենա, մասնակիցների խոսքով, իրենք կրկին գործադուլ են անելու:
«260 հազար աշխատավարձն ասում են, որ պետք ա ստանաս. 14 օր ես որ աշխատեմ, դրանով ընտանիք չեմ կարա պահեմ»,- բողոքում է վարորդներից մեկը:
Մանրամասները՝ տեսանյութում:
