Ի հիշատակ զոհված մեր հայրենակիցների՝ պետք է համախմբված և միասնաբար կառուցենք մեր ամուր տուն-հայրենիքը. Արմեն Սարգսյան
ՀՀ նախագահ Արմեն Սարգսյանը 1988 թ. երկրաշարժի 33-րդ տարելիցի կապակցությամբ ուղերձ է հղել:
«Այսօր ոգեկոչում ենք 1988 թ. դեկտեմբերյան աղետի՝ երկրաշարժի զոհերի հիշատակը:
Մխիթարանքի և զորակցության խոսքերս եմ հղում իմ բոլոր այն հայրենակիցներին, ովքեր աղետալի երկրաշարժի հետևանքով կորցրել են իրենց հարազատներին ու մերձավորներին, ընտանիք ու տուն:
Ի հիշատակ զոհված մեր հայրենակիցների՝ կարող ենք և պե՛տք է համախմբված և միասնաբար, ամենօրյա աշխատանքով ու նվիրումով, հույսով ու հավատով կառուցենք մեր ամուր տուն-Հայրենիքը, որը կանգուն կլինի ցանկացած արհավիրքի առջև»,- ասված է ուղերձում:
