ԲԴԽ անդամները ԵՄ ծրագրի ներկայացուցիչների հետ քննարկել են էլեկտրոնային համակարգերի ներդրման տարբերակները
Բարձրագույն դատական խորհրդի անդամներն ընդունել են Եվրոպական միության «Էլեկտրոնային արդարադատության մշակման և իրականացման լուծումները» ծրագրի տեխնիկական աջակցության թիմի ներկայացուցիչներին:
ԲԴԽ անդամները ողջունել են հյուրերին և կարևորել ԵՄ-ի աջակցությունը էլեկտրոնային կառավարման համակարգերի ներդրման հարցում:
Հանդիպման շրջանակներում քննարկվել են էլեկտրոնային համակարգերի ներդրման տարբերակները, դրանց արդյունավետությունն ու հնարավոր ռիսկերը բացառելուն ուղղված քայլերը:
Կողմերը համաձայնություն են ձեռք բերել հանդիպումները ու քննարկումները շարունակական դարձնելու վերաբերյալ:
