Կարգավորման միակ ճանապարհը ԼՂ շուրջ ձեռք բերված ընդհանուր պայմանավորվածությունների իրականացումն է. Պեսկով
Ռուսաստանի, Հայաստանի և Ադրբեջանի եռակողմ գագաթնաժողովի անցկացումն ինչ-որ փուլում անհրաժեշտ կլինի, սակայն դրա համար պետք է բոլոր կողմերի համաձայնությունը՝ հայտարարել է ՌԴ նախագահի մամուլի քարտուղարը:
Դմիտրի Պեսկովը նշել է, որ վերսկսված մարտերը լուրջ անհանգստության տեղիք են տվել, սակայն նրա խոսքով՝ ռուսական միջնորդությունը օգնել է դադարեցնել դրանք:
«Մոսկվան շարունակելու է միջնորդական ջանքերը. կարգավորման միակ ճանապարհը Լեռնային Ղարաբաղի շուրջ ձեռք բերված ընդհանուր պայմանավորվածությունների իրականացումն է»,- նշել է Պեսկովը և հավելել, որ բոլոր երկրներն առաջին հերթին պետք է կատարեն իրենց պարտավորությունները, և հենց դա կլինի նման միջադեպերի կանխարգելման երաշխիքը:
