Թալին-Հոռոմ հատվածում մեկ ուղղությամբ տրանսպորտային երթևեկությունը տեղափոխվել է նոր վերակառուցված ճանապարհահատված
Հյուսիս-հարավի Տրանշ-3-ում մեկ ուղղությամբ ճանապարհային երթևեկությունն իրականացվում է նոր կառուցված ճանապարհով: Այս մասին հայտնում է «Ճանապարհային դեպարտամենտ» հիմնադրամը:
Հյուսիս-հարավ ճանապարհային միջանցքի Տրանշ-3-ում՝ Թալին-Հոռոմ բնակավայրի խաչմերուկ հատվածում մեկ ուղղությամբ տրանսպորտային երթևեկությունը տեղափոխվել է նոր վերակառուցված ճանապարհահատված։
Կոչ ենք անում վարորդներին՝ վերակառուցված ճանապարհին չգերազանցել արագությունը, պահպանել ճանապարհային երթևեկության կանոնները։ Հյուսիս-հարավի Տրանշ-3-ում երկու երթևեկելի գոտիներում արդեն իսկ ասֆալտապատվել է մոտ 47 կմ։
