Քննարկվել են COVID-19-ի պայմաններում քաղաքացիների տեղաշարժը և բուժումը կազմակերպելու հարցերը
Կողմերը քննարկել են COVID-19 համավարակի պայմաններում քաղաքացիների տեղաշարժը և բուժումը կազմակերպելու խնդիրները:
Լենա Նանուշյանը տեղեկացրել է, որ համավարակի ողջ ընթացքում օտարերկրյա քաղաքացիների թե ՛ բուժումը, թե ՛ պատվաստումը Հայաստանում իրականացվել է անվճար, և կարևորել է արտերկիր աշխատանքի մեկնող ՀՀ քաղաքացիների համար փոխադարձության սկզբունքի հիման անվճար բժշկական օգնություն և սպասարկում ստանալու հնարավորությունը:
Նա նաև անդրադարձել է ոչ վարակիչ հիվանդությունների բուժման նպատակով արտերկիր տեղափոխվող քաղաքացիների խնդիրներին:
Միգրացիայի միջազգային կազմակերպության ներկայացուցիչները հետաքրքրվել են Հայաստանում գործող COVID-19-ով պայմանավորված ճամփորդական սահմանափակումներով և պատվաստումային գործընթացով, ինչպես նաև Հայաստանում օտարերկրյա քաղաքացիների համար հասանելի անվճար բժշկական ծառայությունների փաթեթով:
Հաշվի առնելով առաջիկա տարիներին կորոնավիրուսային հիվանդության հնարավոր շարունակականության բնույթը, ինչպես նաև պայքարի անհրաժեշտությունը` Լենա Նանուշյանը հույս է հայտնել, որ հանդիպման ընթացքում հնչած մտքերը կարտացոլվեն Միգրացիայի միջազգային կազմակերպության ռազմավարության ծրագրում:
