Կառավարության 2021 թվականի սուբվենցիոն ծրագրի շրջանակում Գառնի համայնքում ավարտվել են շուրջ 1,3 կմ երկարությամբ ներհամայնքային ճանապարհահատվածների կապիտալ ասֆալտապատման աշխատանքները: Ծրագիրն իրականացվել է պետության և համայնքի՝ 30%-70% համաֆինանսավորմամբ:
Այս տարվա ևս մեկ սուբվենցիոն ծրագրով Գառնի համայնքում արդիականացվել է փողոցային լուսավորության համակարգը: Ժամանակակից լեդ լուսատուներ են տեղադրվել տարբեր փողոցներում (շուրջ 6,5 կմ): Այս ծրագրում պետական բյուջեի ֆինանսավորման և համայնքի ներդրման չափը հավասար են՝ 50%:
Այս տարի Գառնիում կյանքի կկոչվի խմելու ջրի համակարգի վերակառուցման 2021 թվականի սուբվենցիոն ծրագիրը, որով նախատեսվում է անցկացնել խմելու ջրի նոր ջրագծեր (շուրջ 3 կմ): Առաջիկայում կհայտարարվի մրցույթ, որից հետո աշխատանքները կմեկնարկեն:
