«Չորրորդ իշխանության հարգելի ներկայացուցիչներ, սիրելի՛ լրագրողներ,
ջերմորեն շնորհավորում եմ ձեզ՝ Հայ մամուլի օրվա առթիվ», գրել է տարածքային կառավարման և ենթակառուցվածքների նախարար Գնել Սանոսյանը Ֆեյսբուքի իր էջում:
«Ազատ մամուլը, խոսքի ազատությունը ժողովրդավարական, իրավական պետության հիմնասյուներից են, բարձրագույն արժեք, և ես վստահ եմ, որ դուք այսօր Հայաստանում լիարժեք իրացնում եք ձեր այդ ազատությունը։
Այսօր տպագիր և էլեկտրոնային մամուլը մեծ դերակատարություն ունի ոչ միայն քաղաքացիների իրազեկման, այլև հանրային կարծիքի ձևավորման գործում։ Հենց ձեր միջոցով են խնդիրները վեր հանվում և լուծումներ ստանում։
Մաղթում եմ, որ մնաք ձեր սկզբունքներին հավատարիմ, լինեք համարձակ և բարեխղճորեն կատարեք ձեր մասնագիտական առաքելությունը։
Մեկ անգամ ևս շնորհավորում եմ բոլորիս Հայ մամուլի օրվա առթիվ և մաղթում ազատ և անվտանգ գործունեություն»,- գրել է նախարարը գրառման մեջ:
