Արցախի խորհրդարանի ղեկավարը այցելել է ՀՀ-ում Արցախի կառավարության օպերատիվ շտաբ
Արցախի ԱԺ նախագահ Արթուր Թովմասյանն այսօր այցելել է ՀՀ-ում Արցախի Հանրապետության կառավարության օպերատիվ շտաբ:
Արցախի խորհրդարանի ղեկավարը ծանոթացել է շտաբի աշխատանքների ընթացքին, իրականացվող ծրագրերին, լսել այդ մասին շտաբի պետի տեղեկատվությունը, որը, մասնավորապես նշել է, որ 30 և 68 հազար դրամների տրամադրման ծրագիրն այլևս չի գործում, սակայն ՀՀ Կառավարության կողմից քննարկվում է 50 և 25 հազար դրամների տրամադրման ծրագրի գործարկման հնարավորությունը:
Արցախի Հանրապետության կառավարության օպերատիվ շտաբի պետ Միքայել Վիրաբյանը նշել է, որ հիմք ընդունելով բնակիչների հետ հանդիպումները, լսելով նրանց բողոքները՝ առաջարկել է բռնի տեղահանված յուրաքանչյուր անձին պետության կողմից կշռված միջինով տրամադրել ֆինանսական օժանդակություն այն հաշվով, որ նրանք կարողանան հատուցել կոմունալ, այդ թվում նաև՝ վարձավճարի և սննդի ծախսերը:
ԱԺ նախագահ Արթուր Թովմասյանը հավանություն է տվել Միքայել Վիրաբյանի տեսակետներին և պատրաստակամություն հայտնել համակողմանի օժանդակել այդ խնդիրների լուծմանը:
