ՀՀ նախագահի հրամանագրով Սուրբ Աթոռի պետքարտուղար, կարդինալ Պիետրո Պարոլինը պարգևատրվել է Պատվո շքանշանով:
«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.
Հայաստանի և Սուրբ Աթոռի միջև միջպետական հարաբերությունների զարգացման և ամրապնդման գործում ներդրած նշանակալի ավանդի համար Սուրբ Աթոռի պետքարտուղար, կարդինալ Պիետրո Պարոլինին պարգևատրել Պատվո շքանշանով»,- նշված է հրամանագրում:
