Ոստիկանության կարգապահական հանձնաժողովի նիստում որոշվել է 5 ոստիկանի ազատել ծառայությունից
Հոկտեմբերի 8-ին տեղի է ունեցել ոստիկանության կարգապահական հանձնաժողովի հերթական նիստը, որը վարում էր ոստիկանության պետի առաջին տեղակալ Արամ Հովհաննիսյանը։
Մասնակցում էին ոստիկանության շտաբի պետը, հասարակական անվտանգության ապահովման գլխավոր, ներքին անվտանգության և իրավաբանական վարչությունների պետերը, ՀՀ վարչապետի աշխատակազմի իրավաբանական վարչության ավագ իրավաբանն ու ոստիկանության կարգապահական հանձնաժողովում ընդգրկված հասարակական կազմակերպությունների անդամներ:
Ուսումնասիրվել և քննարկվել են ոստիկանության յոթ աշխատակիցների նկատմամբ իրականացված ծառայողական քննության նյութերն ու եզրակացությունները:
Փաստական հանգամանքները վերլուծելուց հետո հանձնաժողովը որոշում է կայացրել դիմել ոստիկանության պետին՝ մեկ ծառայողի ազատել կարգապահական պատասխանատվությունից, հինգի նկատմամբ կիրառել «Ոստիկանությունում ծառայությունից ազատում», իսկ մեկ ոստիկանի՝ «Խիստ նկատողություն» կարգապահական տույժերը։
