Հայաստանում բնակչության 14 տոկոսն արդեն ստացել է պատվաստանյութի առաջին դեղաչափը. Անահիտ Ավանեսյան
Հայաստանում բնակչության 14 տոկոսն արդեն ստացել է պատվաստանյութի առաջին դեղաչափը. տեղեկացրեց ՀՀ առողջապահության նախարար Անահիտ Ավանեսյանը՝ Կառավարության նիստից հետո լրագրողների հետ ճեպազրույցում:
«Եվրոպական մի շարք երկրներ արդեն 90 տոկոսից ավելի պատվաստում են իրականացրել: Առանձնահատուկ պետք է նշեմ, որ սա միայն եվրոպական երկրներին չի վերաբերում, նաև արաբական երկրներում 90 տոկոս ցուցանիշներ կան, և, ընդհանուր, համաշխարհային միջին ցուցանիշները բավական բարձր են»,- նշեց Ավանեսյանը՝ կարևորելով ՀՀ-ում ևս պատվաստումային գործընթացն ակտիվացնելու անհրաժեշտությունը:
