Վրաստանում վերջին մեկ շաբաթում նվազել է օրական պատվաստումների քանակը: Օգոստոս-սեպտեմբեր ամիսներին երկրում օրական պատվաստվել է 20-25 հազար մարդ:
Հիվանդությունների վերահսկման ազգային կենտրոնի տվյալներով՝ մարտի 15-ից սկսած երկրում ընդհանուր հաշվով կատարվել է ավելի քան 1.5 մլն պատվաստում: Երկրում ամբողջական պատվաստվածները կազմում են բնակչության 25,6 տոկոսը:
Ըստ կառավարության ծրագրի` մինչև տարեվերջ Վրաստանում պետք է պատվաստվի չափահաս բնակչության 60 տոկոսը:
Հարևան երևկրում պատվաստումներն իրականացվում են «Pfizer», «Sinopharm», «Sinovac» և «AstraZeneca» պատվաստանյութերով:
