Վարչապետը Թվիթերում ֆրանսերեն գրառմամբ անդրադարձել է Ֆրանսիայի կողմից ՀՀ-ին նվիրաբերված պատվաստանյութի խմբաքանակին
ՀՀ վարչապետ Նիկոլ Փաշինյանը Թվիթերի իր միկրոբլոգում ֆրանսերեն գրառում է արել՝ անդրադառնալով Ֆրանսիայի կողմից Հայաստանին պատվաստանյութ տրամադրելուն:
«Ի հավաստումն հայ-ֆրանսիական բարեկամության՝ Երևան է ժամանել 200.000 դեղաչափով պատվաստանյութերի առաջին 25.000 խմբաքանակը, որը Ֆրանսիան նվիրաբերել է Հայաստանին COVID-19-ի դեմ պայքարում»,- գրել է վարչապետ Փաշինյանը:
Հիշեցնենք՝ այսօր առավոտյան Ֆրանսիայի նախագահ Էմանուել Մակրոնն էլ Թվիթերի իր էջում հայատառ գրառմամբ հայտնել էր. «Ինչպես և խոստացել էի նախորդ տարվա օգոստոս ամսին, 25.000 դեղաչափ պատվաստանյութի առաջին խմբաքանակն այս երեկո կհասնի մեր հայ բարեկամներին։
Համերաշխությունը գործողության մեջ՝ COVID-19 համավարակի դեմ պայքարում»։
L’Amitié franco-arménienne au rendez-vous à #Erevan avec l’arrivée de la première partie de 25.000 doses de vaccins sur 200.000 que la #France octroie à l’#Arménie pour l’épauler dans son action contre le #COVID19. pic.twitter.com/UQQVMbaVRx
— Nikol Pashinyan (@NikolPashinyan) September 14, 2021
