Վրաստանում հաստատվել է կորոնավիրուսի 3221 նոր դեպք

Սեպտեմբերի 14-ին Վրաստանում հաստատվել է կորոնավիրուսի 3221 նոր դեպք, գրում է jnews.ge կայքը:

Վերջին մեկ օրում երկրում ապաքինվել է 2990 մարդ, մահացել է 54 պացիենտ:

Համավարակի տարածումից առ այսօր, Վրաստանում  գրանցված է կորոնավիրուսով վարակման 585035, որից 548951 մարդ ապաքինվել է: Մահացածների ընդհանուր թիվը 8287 է:

Վերջին 24 ժամվա ընթացքում Վրաստանում կատարվել է 37717 փորձարկում, 24507-ը՝ հակամարմինների արագ թեստով, իսկ 13210-ը՝ ՊՇՌ թեստով:

Դրականության օրական ցուցանիշը՝ 8.54% է, վերջին 14 օրվանը՝ 7,58%, վերջին 7 օրվանը՝ 7.44%:

Երկրում կորոնավիրուսի դեմ պատվաստվել է 1 534111 մարդ, վերջին մեկ օրում պատվաստվել է 26125 պացիենտ:

Կարանտինի ռեժիմում գտնվում է 78 մարդ, հիվանդանոցներում հսկողության տակ է 5882 պացիենտ, կլինիկական հյուրանոցներում գտնվում է 1539 անձ: