Տեսչական մարմինները շարունակում են ստուգայցերը կորոնավիրուսի տարածումը կանխարգելելու նպատակով:
Այսօր Սննդի անվտանգության տեսչական մարմնի մասնագետները Երևանի սուպերմարկետներում խախտումներ են արձանագրել: Դրանց բնույթը նույնն է՝ քաղաքացիները և աշխատակիցները որոշ դեպքերում դիմակ չեն դնում, մինչդեռ խիստ հակահամաճարակային պահանջները շարունակում են գործել:
Այդուհանդերձ, տեսուչները խախտումների առումով դրական դինամիկա են արձանագրել:
«Ունենք կրկնակի խախտման դեպք, բայց դեպի նվազման է գնում: 207 տնտեսվարողից 12 արձանագրություն, իմ կարծիքով, լավ ցուցանիշ է: Հաճախորդների կողմից ամենաշատ խախտումը դիմակ չկրելն է: Բացի դրանից՝ ունենում ենք աշխատակիցների մի մաս, որ չեն կրում կամ ոչ պատշաճ են կրում»,- ասաց ՍԱՏՄ Երևանի կենտրոնի գլխավոր տեսուչ Հայկ Մայիլյանը:
