Գլխավոր հանձնակատար Զարեհ Սինանյանը հանդիպել է Բրազիլիայի հայոց թեմի առաջնորդ Նարեկ եպիսկոպոս Բերբերյանին: Քննարկվել են բրազիլահայությանն առնչվող մի շարք հարցեր: Այս մասին հայտնում է Սփյուռքի գլխավոր հանձնակատարի գրասենյակը:
«Բրազիլահայերից շատերը հայրենադարձվելու ցանկություն ունեն, ՀՀ քաղաքացիություն են ստանում, կապվում հայրենիքին: Հոգևոր առաջնորդին մեր գրասենյակում հյուրընկալեցինք հազարավոր մղոններ հատած և հայրենիք ժամանած մի խումբ բրազիլահայ երիտասարդների ուղեկցութամբ:
Հանդիպման ընթացքում հյուրերի կողմից կարևորվեց Հայաստանի հետ ակտիվ կապն այնպիսի ծրագրերի միջոցով, ինչպիսին է ՀՀ կառավարությունում սփյուռքահայ մասնագետների «իԳործ» ծրագիրը: Անդրադարձ կատարվեց հետագա համագործակցության սերտացման հնարավորություններին»,- ասված է հայտարարությունում:
