Հարցվածների 26%-ը կողմ է փակ տարածքներում ավելի խիստ հակահամաճարակային միջոցների կիրառմանը. IRI

Միջազգային հանրապետական ինստիտուտի (ՄՀԻ) Հարցումների հետազոտության կենտրոնը Հայաստանի բնակչության շրջանում նախաձեռնել է հանրային կարծիքի ուսումնասիրություն, որում ներառված է նաև «COVID-19 և պատվաստում» թեման՝ հայտնում է ՀՀ առողջապահության նախարարությունը:

Պատասխանելով COVID-19-ի դեմ պայքարի տարբերակների մասին հարցին՝ 18 տարին լրացած 1,504 ՀՀ քաղաքացիների՝ 

• 26%-ը պատասխանել է, որ կողմ է փակ տարածքներում ավելի խիստ միջոցների կիրառմանը: 

• 17%-ը կողմ է պատվաստումների մասին ավելի շատ խոսելուն: 

Հարցվածների` 

• 68%-ը բավարարված է COVID-19-ի դեմ պատվաստանյութերի վերաբերյալ կառավարության տրամադրած տեղեկատվության բովանդակությամբ:

• 54%-ի կարծիքով` զանգվածային պատվաստումը կօգնի վերականգնել տնտեսությունը: 

• 52%-ը բարձր է գնահատել պատվաստումների արդյունավետությունը:

Պատվաստված քաղաքացիների`

• 84%-ը նշել է, որ պատվաստվելու որոշում է կայացրել՝ առողջության մասին մտահոգվելով, 9%-ը՝ արտերկիր մեկնելու համար:  

• Շուրջ 62%-ը նշել է, որ COVID-19-ի դեմ իր նախընտրած պատվաստանյութը հասանելի է: 

• 69%-ին մտահոգում են կորոնավիրուսի նոր շտամները: 

• 68%-ի կարծիքով` պատվաստումը կարող է կանխել նոր շտամների տարածումը:

Տվյալները հավաքվել են Հայաստանի ամբողջ տարածքում 2021 թվականի հուլիսի 21-30-ն ընկած ժամանակահատվածում, հեռախոսային հարցազրույցներով:

Հարցվողներն ընտրվել են պատահական բջջային հեռախոսահամարներին զանգելու եղանակով։