Շրջակա միջավայրի նախարարության կողմից մշակվել և սահմանված կարգով Կառավարության քննարկմանն էր ներկայացվել «Ռեկուլտիվացիոն աշխատանքների նախահաշվային արժեքների հաշվարկման և վերահաշվարկման կարգը սահմանելու մասին» որոշման նախագիծը։
Նախագծի մշակումը բխում է ՀՀ ընդերքի մասին օրենսգրքի դրույթներից և պայմանավորված է ընդերքօգտագործման արդյունքնում խախտված հողերի վերականգնման նախահաշվային արժեքների հաշվարկման և վերահաշվարկման ժամանակ արդյունավետ մեխանիզմների ներդրման միջոցով շրջակա միջավայրի պահպանության դրամագլխի հատկացումների բազային չափի իրատեսական գումարների հաշվարկման և նրանց վերահաշվարկման հետ, ինչի արդյունքում կստեղծվի խախտված հողերի վերականգնման աշխատանքների ֆինանսական երաշխիքներ և կապահովվի փաստացի խախտված հողերի վերականգնման աշխատանքների իրականացումը:
Նախագծի նպատակն է ռեկուլտիվացիոն աշխատանքների նախահաշվային արժեքների հաշվարկման և վերահաշվարկման խնդիրների արդյունավետ կարգավորման միջոցով ապահովել ֆինանսական երաշխիքներ ընդերքօգտագործման արդյունքում փաստացի խախտված հողերի վերականգնման համար:
Ակնկալվում է խախտված հողերի ռեկուլտիվացիոն աշխատանքների իրատեսական արժեքների հաշվարկում և վերահաշվարկում, արդյունքում՝ լանդշաֆտների հնարավոր վերականգնում, շրջակա միջավայրի վրա բացասական ազդեցության նվազեցում:
