ՀՀ Կառավարության 2021 թ. օգոստոսի 6-ի թիվ 1258-ն որոշմամբ հաստատվել են ՀՀ-ում 2021-2022 ուսումնական տարվա՝ պետության կողմից ուսանողական նպաստների ձևով ուսման վարձի լրիվ փոխհատուցմամբ (անվճար), առկա ուսուցմամբ կլինիկական օրդինատուրայի ընդունելության տեղերը` ըստ մասնագիտությունների:
Մանրամասների և պայմանագիր կնքելու համար կարող եք դիմել ՀՀ առողջապահության նախարարության անձնակազմի կառավարման վարչություն` 2021 թվականի սեպտեմբերի 3-ը ներառյալ (Հասցեն` Կառավարական տուն N 3, hեռախոսներ` 060-80-80-03 (1505), (1503) (1507)):
Հիշեցնենք, որ նպատակային կլինիկական օրդինատուրան ավարտելուց հետո մարզային բժշկական կազմակերպություններում բժիշկ-մասնագետները մասնագիտական գործունեություն կիրականացնեն 3 տարի ժամկետով` նախկին 5 տարվա փոխարեն:
Միաժամանակ, ուսումնառության ընթացքում կլինիկական օրդինատորները ստանում են կրթաթոշակ` նվազագույն աշխատավարձի չափով:
Մասնագիտությունների ցանկը ստորև.
| Մասնագիտություն | Պետպատվերի տեղերի առաջարկվող քանակ |
| Լաբորատոր ախտորոշում | 2 |
| Ընդհանուր վիրաբուժություն | 4 |
| Անեսթեզիոլոգիա և ռեանիմատոլոգիա | 4 |
| Մանկաբարձություն և գինեկոլոգիա | 1 |
| Քիթ-կոկորդ-ականջաբանություն | 1 |
| Մանկական քիթ-կոկորդ-ականջաբանություն | 2 |
| Նյարդաբանություն | 4 |
| Ընտանեկան բժշկություն | 5 |
| Հոգեբուժություն | 1 |
| Մանկաբուժություն | 4 |
| Նեոնատոլոգիա | 1 |
| Ներքին բժշկություն | 3 |
| Ինֆեկցիոն հիվանդություններ | 2 |
| Վնասվածքաբանություն և օրթոպեդիա | 2 |
| Ճառագայթային ախտորոշում | 1 |
| Սրտաբանություն | 3 |
| Ներզատաբանություն | 1 |
| Մանկական անեսթեզիոլոգիա և ռեանիմատոլոգիա | 1 |
| Դատաբժշկական փորձաքննություն | 1 |
| Ուրոլոգիա | 1 |
| Այրվածքաբանություն | 1 |
| Թոքաբանություն | 2 |
| Կրծքային վիրաբուժություն | 2 |
| Անոթային վիրաբուժություն | 2 |
| Մանկական վիրաբուժություն | 2 |
| Ուռուցքաբանություն | 1 |
| Մաշկավեներաբանություն | 1 |
| Համաճարակաբանություն | 1 |
| Մանկական երիկամաբանություն | 1 |
| Մեղրիին հատկացվող տեղեր | 1 |
| ԸՆԴԱՄԵՆԸ | 58 |
