Հռիփսիմե Հունանյանը Երևանի ավագանու անդամի լիազորությունները դադարեցնելու դիմում է ներկայացրել
Երևանի ավագանու «Իմ քայլը» խմբակցության անդամ Հռիփսիմե Հունանյանը լիազորությունները դադարեցնելու դիմում է ներկայացրել. ավագանու արտահերթ նիստին տեղեկացրեց քաղաքապետ Հայկ Մարությանը:
«Հռիփսիմե Հունանյանի մանդատը տրվել է «Իմ քայլը» խմբակցության ընտրական ցուցակով ընտրված հերթական հաջորդ թեկնածու Արտյոմ Հակոբյանին»,- ասաց Մարությանը՝ հավելելով, որ Արտյոմ Հակոբյանը նույնպես դիմում է ներկայացրել ավագանու անդամի լիազորությունները դադարեցնելու մասին:
Հիշեցնենք՝ Հռիփսիմե Հունանյանն ընտրվել է ԱԺ պատգամավոր «Քաղաքացիական պայմանագիր» կուսակցության ցուցակով:
