Մեսսին «Բարսելոնայի» կազմում անցկացրել է 778 խաղ, դարձել 672 գոլի հեղինակ
Արգենտինացի հարձակվող Լիոնել Մեսսին հեռանում է «Բարսելոնայից», ֆուտբոլային ակումբ, որի առաջատարն է եղել տարիներ շարունակ: Արդեն տեղեկացրել էինք, որ չնայած ակումբն ու խաղացողը համաձայնության էին եկել ու ցանկանում էին նոր պայմանագիր կնքել, դա հնարավոր չի եղել ֆինանսական և այլ խոչընդոտների պատճառով։ Երկու կողմերն էլ խորապես ափսոսում են, որ ակումբի ու խաղացողի ցանկությունները չեն իրականանա:
Լեգենադր ֆուտբոլիստը «Բարսելոնայում» հանդես է եկել ամբողջ պրոֆեսիոնալ կարիերայի ընթացքում՝ սկսած 2004 թվականից: Նա հանդես էր գալիս 10 համարի մարզաշապիկով: Այս ակումբի կազմում Մեսսին անցկացրել է 778 խաղ, դարձել 672 գոլի հեղինակ:
