Human Rights Watch-ը դատապարտել է Բաքվում հայ գերիների ապօրինի քրեական հետապնդումները
Human Rights Watch միջազգային իրավապաշտպան կազմակերպության Եվրոպայի և Կենտրոնական Ասիայի բաժնի տնօրեն Գիորգի Գոգիան անդրադարձել է այսօր Բաքվի դատարանի կողմից շիրակցի հայ գերիների ապօրինի դատավճռին։ Նա նշել է, որ Ադրբեջանի կողմից հայ գերիների քրեական հետապնդումը սահմանի անօրինական հատման մեղադրանքով Ժնևի 3-րդ կոնվենցիայի խախտում է։
«Գերի ընկած զինվորներին պետք է տրվի գերու կարգավիճակ, և նրանք պետք է վերադարձվեն ռազմական գործողությունների ավարտից հետո»,- Թվիթերի իր միկրոբլոգում գրել է Գոգիան։
Հիշեցնենք, որ Բաքվի ծանր հանցագործությունների դատարանը շինծու մեղադրանքներով 6 տարվա ազատազրկման է դատապարտել ևս 13 հայ ռազմագերի:
#Azerbaijan’s prosecution of Armenian Prisoners of war on illegal border crossing charges is a breach of Geneva Convention III. Captured combatants should have been afforded PoW status & returned after hostilities ended! https://t.co/0fbSdBIG6o
— Giorgi Gogia (@Giorgi_Gogia) July 29, 2021
