Աշխատանքի և սոցիալական հարցերի նախարարի տեղակալ Աննա Ժամակոչյանը հանդիպում է ունեցել Հայաստանում Արցախի կառավարության օպերատիվ շտաբի պետ Միքայել Վիրաբյանի հետ։
Հանդիպման ընթացքում քննարկվել է 2020 թ․ ռազմական գործողությունների հետևանքով տեղահանված և Հայաստանում ժամանակավորապես բնակվող արցախցիների կեցության կազմակերպմանն ու սոցիալական աջակցության շարունակականությանն առնչվող մի շարք հարցեր։
Ներկայացնելով իրականացված ծրագրերի ընթացքն ու արդյունքները՝ կողմերն անդրադարձել են նաև նոր մոտեցումների որդեգրմանն ու ծրագրերի հասցեականության հարցերին։
