Խոտհարքների հետ կապված պատերազմից հետո որոշակի խնդիրներ ունենք: Այս մասին այսօր տեղի ունեցած ասուլիսի ընթացքում հայտնեց Գեղարքունիքի մարզպետ Գնել Սանոսյանը:
«Հատկապես մայիսի 13-ից հետո ունենք վայրեր, որտեղ արոտավայրերն օգտագործելու հետ կապված որոշակի դժվարություններ կան: Բայց նաև ունենք վայրեր, որտեղ մեր բանակային կորպուսը որոշակի լրացուցիչ ուժեր է դնում, երբ բնակիչները խոտ հավաքելու պրոցեսով պետք է զբաղվեն, որպեսզի նրանք իրենց ավելի ապահով զգան: Քանի որ բարձրադիր վայրերում դեռ չի սկսվել խոտ հավաքելու պրոցեսը, հույս ունենք, որ այդ խնդիրները կկարգավորվեն ռուսական կողմի ներկայության պարագայում»,- ասաց Սանոսյանը:
