ԵԱՀԿ գործող նախագահ, Շվեդիայի արտգործնախարար Անն Լինդեն ՀՀ վարչապետ Նիկոլ Փաշինյանին շնորհավորել է Հայաստանի խորհրդարանի ընտրություններում տարած հաղթանակի կապակցությամբ: Եվրոպացի բարձրաստիճան դիվանագետը Թվիթերի իր միկրոբլոգում մասնավորապես գրել է.
«Շնորհավորում եմ Նիկոլ Փաշինյանին Հայաստանի խորհրդարանի ընտրություններում հաղթանակի կապակցությամբ: Միանգամայն կարևոր է, որ ԵԱՀԿ ԺՀՄԻԳ-ը և ԵԱՀԿ ԽՎ-ը դիտորդական առաքելություն են իրականացրել ընտրությունների ժամանակ: Ակնկալում եմ շարունակել համագործակցությունը ՀՀ կառավարության հետ: Հաջողություն եմ մաղթում շարունակվող ժողովրդավարական բարեփոխումներում: Շվեդիան պատրաստ է աջակցելու Հայաստանին»,- գրել է Անն Լինդեն:
