Նոր Երզնկա գյուղի դպրոցի տանիքում բռնկված հրդեհը մարվել է

Հունիսի 20-ին՝ ժամը 13:39-ին, Կոտայքի մարզային ճգնաժամային կառավարման կենտրոն ահազանգ է ստացվել, որ Նոր Երզնկա գյուղի միջնակարգ դպրոցի տանիքում հրդեհ է բռնկվել:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։

Հրդեհը մեկուսացվել է ժամը 14:59-ին, մարվել` 15:43-ին: Այրվել են դպրոցի տանիքի (640 քմ) փայտե կառուցատարրերը (140 քմ)։