Գեղարքունիքի և Վայոց ձորի մարզերում շարունակվում են շտաբային և տակտիկական ուսումնավարժանքները
Մարզերում շարունակվում են իրականացվել շտաբային և տակտիկական ուսումնավարժանքները: Օրերս Գեղարքունիքի մարզի Արծվանիստ, Ծովինար, Զոլաքար և Աստղաձոր համայնքների միջնակարգ դպրոցներում, համայնքապետարաններում և մանկապարտեզներում անցկացվել են հատուկ տակտիկական ուսումնավարժություններ «Ազդարարում, տարհանում, պատսպարում» թեմայով: Իրականացվել են մանկավարժական անձնակազմի և աշակերտների տարհանում և պատսպարում:
Վայոց ձորի մարզի Հերմոն և Տավուշի մարզի Ոսկեվան գյուղերի հիմնական դպրոցներում ևս անցկացվել են վարժանքներ՝ «Անձնակազմի պատսպարման իրականացումը «Օդային տագնապ» ազդանշանի դեպքում» և «Հրդեհաշիջման աշխատանքների իրականացումը ուսումնական հաստատությունում» թեմաներով:
Հերմոնի դպրոցում վարժանքին մասնակցել են 34 աշակերտ, ուսուցչական կազմը, ինչպես նաև մարզային փրկարարական վարչության ներկայացուցիչներ:
