Մայիսի 21-ի գիշերը ճանապարհային ոստիկանության ճանապարհապարեկային ծառայության բաժնի և մարզերը սպասարկող 2-րդ սպայական գումարտակի ծառայողները Երևանում իրականացրել են ուժեղացված ծառայություն։
Հրահանգավորումից հետո ճանապարհային ոստիկաններն անցել են ծառայության, որը ղեկավարում էր ոստիկանության պետի տեղակալ Կամո Ցուցուլյանը։ Մայրաքաղաքի տարբեր վարչական շրջաններից պահպանվող հատուկ տարածք է տեղափոխվել 8 ավտոմեքենա։
Հայտնաբերվել են հետախուզման մեջ գտնվող 5, առանց ԱՊՊԱ պայմանագրի՝ 12, համարանիշները ոչ սահմանված տեղում փակցված 4 տրանսպորտային միջոց։
Հայտնաբերվել է ոչ սթափ վիճակում մեքենա վարող 4, առանց վարորդական իրավունքի վկայականի՝ 4 վարորդ։ Նմանօրինակ ուժեղացված ծառայությունները պարբերական են։
