Արտաշատի ոստիկանները խուզարկությամբ ապօրինի զենք-զինամթերք և թմրամիջոց են հայտնաբերել
Մայիսի 12-ին ոստիկանության Արտաշատի բաժնում օպերատիվ տվյալներ ստացվեցին, որ 28-ամյա մի երիտասարդ իր փաստացի բնակության վայրում՝ Շահումյան գյուղի տներից մեկում, ապօրինի զենք-զինամթերք և թմրամիջոց է պահում։
Հարուցվեց քրեական գործ, որի շրջանակներում Արարատի և Վայոց ձորի մարզերի առաջին ատյանի ընդհանուր իրավասության դատարանի որոշմամբ երիտասարդի բնակության վայրում կատարվեց խուզարկություն։ Հայտնաբերվեց սվին-դանակ, «ԻԺ» տիպի հրացան, երկփողանի հրացանի փող, հրազենի խզակոթ, մարիխուանայի նմանվող զանգվածով փաթեթներ։
Խուզարկության ընթացքում երիտասարդը ներկայացրել է նաև «ԻԺ» տիպի հրացան։ Ապօրինի զենք-զինամթերքն ու թմրամիջոցի նմանվող զանգվածներն առգրավվել են։ Նշանակվել են փորձաքննություններ։ Հանգամանքները պարզվում են։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
