ՀՀ Կարմիր գրքում գրանցված բեզոարյան այծի որս կազմակերպելու վերաբերյալ 2020 թ. հունվարի 29-ին համացանցում տեղադրված տեսանյութի հանգամանքները պարզելու համար ՀՀ բնապահպանության և ընդերքի տեսչական մարմինը դիմել էր ՀՀ ոստիկանություն։
ՀՀ ոստիկանության ձեռնարկած միջոցառումների արդյունքում պարզվել է, որ վերոհիշյալ տեսանյութի բեզոարյան այծի որսը կազմակերպվել է 2017 թ. ապրիլ ամսին «Սաֆարի Ինտերնացիոնալ» ՍՊԸ-ի կողմից, որը հանդիսանում է որսորդական տնտեսություն և իր գործունեությունը ծավալում է ՀՀ կենդանական աշխարհի մասին օրենքի 27.2-րդ հոդվածի համաձայն, նաև ՀՀ բնապահպանության նախարարության և «Սաֆարի Ինտերնացիոնալ» ՍՊԸ-ի միջև կնքված պայմանագրով:
Ներկայումս ՀՀ շրջակա միջավայրի նախարարությունը նախաձեռնել է մասնավոր ընկերությանը («Սաֆարի Ինտերնացիոնալ» ՍՊԸ) անհատույց, անժամկետ օգտագործման իրավունքով տրամադրված անտառային հատուկ պահպանվող տարածքները պետության տնօրինմանը վերադարձնելու, պայմանագիրը խզելու գործընթաց, ինչպես նաև մշակել է ՀՀ կառավարության 2004 թվականի հունիսի 10-ի N 894-Ն որոշումն ուժը կորցրած ճանաչելու մասին որոշման նախագիծ:
