Երևանում հիդրանտներ են տեղադրվում

Երևանում տեղադրված 503 հիդրանտներից կեսից ավելին տարիներ շարունակ չէր աշխատում։

Արտակարգ իրավիճակների նախարարության առաջարկով քաղաքապետարանը մշակել է ծրագիր. 2021 թվականին վերանորոգվելու և տեղադրվելու են նոր հիդրանտներ։

Ծրագրի սկզբնական փուլով տասը նոր հիդրանտ է տեղադրվելու, ևս 38-ը վերանորոգվում են: Գործընթացը մեկնարկել է, ապրիլի 28-ին դրանցից երկուսը փորձարկվել են Դավթաշեն և Արաբկիր վարչական շրջաններում։