ՀՀ էկոնոմիկայի նախարարությունը միացել է Շրջակա միջավայրի նախարարության՝ «10 մլն ծառ» նախաձեռնության համապետական ծառատունկին։ Նախարարության աշխատակիցներն իրենց ընտանիքների հետ միասին և նախարար Վահան Քերոբյանը ծառատունկ են իրականացրել Արագածոտնի մարզի Բյուրական համայնքում։
«Սահմանափակ բնական պաշարներով աշխարհում անհրաժեշտ է էկոլոգիական խնդիրները մշտապես ուշադրության կենտրոնում պահել: Կանաչ տնտեսության զարգացումը այսօրվա իրականության հրամայականն է, և պետք է լուրջ քայլեր ձեռնարկվեն վերջինիս իրագործման համար:
Դու նույնպես կարող ես դառնալ համապետական այս կարևոր միջոցառման մի մասնիկը՝ այսօր քո տան բակում կամ այգում ծառ տնկելով»,- ասված է նախարարության տարածած հաղորդագրության մեջ։
