Պետությունը կփոխհատուցի անշարժ գույքի ձեռքբերման կանխավճարի ապահովագրության վճարը։ Կառավարությունը ներկայացրել է «Երեխա ունեցող ընտանիքների բնակապահովության պետական ծրագրի» երկրորդ բաղադրիչի պայմանները:
Աջակցությունից օգտվողները կստանան անշարժ գույքի ձեռքբերման տարեկան ապահովագրական վճարի 90%-ը, բայց ոչ ավելի, քան տարեկան 180 հազար դրամ։
Ծրագրի շահառու են այն ընտանիքները, որոնք ունեն առնվազն 1 անչափահաս երեխա, և որոնց հիփոթեքային վարկը տրամադրվել է 2020 թվականի հուլիսի 1-ին կամ դրանից հետո։
