Սարալանջի կանաչապատման երկար սպասված նախագիծը թևակոխում է բուն՝ ծառատունկի փուլ, տեղեկացնում են Երևանի քաղաքապետարանից:
«Կանաչապատում և շրջակա միջավայրի պահպանություն» ՀՈԱԿ-ի ուժերով Սարալանջում տնկվել են առաջին ծառերը՝ 140 հատ: Ընդհանուր առմամբ գարնանը այստեղ մոտ 600 ծառ կտնկվի:
Ավարտվել են նաև Հրազդանի կիրճի՝ Սբ Սարգիս եկեղեցու հարակից լանջի մաքրման աշխատանքները, կատարվել է սանիտարական էտ: Առաջիկայում այստեղ ևս կկազմակերպվի ծառատունկ:
